گوشواروں کے حوالے سے ایف بی آر کی جانب سے ایک اعلایہ جاری کیا گیا ہے۔

اعلامیے میں بتایا گیا ہے کہ ٹیکس گزار سالانہ ٹیکس گوشوارے 8 دسمبر سے قبل جمع کرا لیں کیونکہ گوشوارے داخل کرنے کی تاریخ میں توسیع نہیں کی جائے گی۔

انکم ٹیکس گوشوارے جمع کرانے میں آسانی کے لئے ایف بی آر نے ٹیکس گزاروں کی سہولت کے لئے کئی اقدامات اٹھائے ہیں جو کہ ٹیکس سال 2020 کے لئے نیا آسان ریٹرن فارم متعارف کرایا گیا ہے۔

اعلامیہ کے مطابق ٹیکس گزار نئے وزرڈ بیسڈ آسان ویب انٹرفیس کے ذریعے راہ نمائی کے ساتھ سالانہ گوشوارے جمع کرا سکتے ہیں جبکہ ٹیکس آسان ایپ پر اسمارٹ فون کے ذریعے بھی گوشوارے جمع کرائے جا سکتے ہیں۔

ایف بی آر کا کہنا تھا کہایسے تمام افراد کی نشاندہی کی جا چکی ہے جو کہ قابل ٹیکس آمدنی ہونے کے باوجود گوشوارے جمع نہیں کرا رہے۔

ایف بی آر حکام کا کہنا ہے کہایسے افراد کی بھی نشاہدہی کی جا چکی ہے جن کے اخراجات قابل ٹیکس آمدنی سے زائد ہے مگر انہوں نے سالانہ گوشواروں میں اپنی آمدن قابل ٹیکس آمدنی سے کم ظاہر کی ہے جبکہ ایف بی آر کے ڈیٹابیس میں ایسے تمام افراد کے اخراجات اور آمدن کی تفصیلات مو جود ہیں۔