اسٹیٹ بینک آف پاکستان نے شرح سود 7 فیصد پر برقرار رکھنے کا فیصلہ کیا ہے۔

تفصیلات کے مطابق اسٹیٹ بینک آف پاکستان نے  نئی مانیٹری پالیسی کا اعلان  کرتے ہوئے  شرح سود 7 فیصد پر برقرار رکھنے کا فیصلہ کیا ہے۔

اسٹیٹ بینک کا کہنا ہے کہ  بین الاقوامی ادائیگیوں کا توازن بہتر  ہوا ہے جس سے معاشی اعدادوشمار میں بہتری آئی  ہے۔

اسٹیٹ بینک کا مزید کہنا ہے کہ  اجناس کی قیمتوں میں اضافے سے مہنگائی بڑھی ہے۔ اجناس کی رسد بہتر ہونے سے مہنگائی کم  ہوگی۔

Advertisement

At its meeting today, #MonetaryPolicy Committee decides to maintain the policy rate at 7 percent. For complete statement: https://www.bolnews.com/urdu/business/2020/11/951243/amp/ pic.twitter.com/oyKA0QnTH8

— SBP (@StateBank_Pak) November 23, 2020

اسٹیٹ بینک کا کہنا ہے کہ  پاکستان اور بیشتر دیگر ممالک میں کورونا وائرس کے کیسز میں حالیہ اضافہ نمو میں  کمی کے خاصے خطرات کو سامنے لارہا ہے تاہم    کورونا    ویکسین کی تیاری کی حالیہ خبریں حوصلہ افزا ہیں۔

اسٹیٹ بینک کا مزید کہنا ہے کہ مہنگائی کے مالی سال 21ء کے لیے 7 سے 9  فیصد کے اندر رہنے کی توقع ہے۔