ترجمان پیٹرولیم ڈویژن نے عوام سے درخواست کی ہے کہ وہ گیس کا استعمال سمجھداری سے کریں۔

ترجمان پیٹرولیم ڈویژن کا ایل این جی/ گیس پوزیشن پر  اپنے بیان میں کہنا تھا کہ  پیٹرولیم ڈویژن نے جنوری 2021 کے لیے 12 ایل این جی کارگوز کا انتظام کر لیا ہے۔

ترجمان پیٹرولیم ڈویژن نے مزید کہا کہ  کچھ کارگوز میں اضافی ایل این جی کا بھی بندوبست ہو گیا ہے۔

ان کاکہنا ہے کہ  جنوری 2021  کے لیے جنوری 2018 کی نسبت 30 فیصد زیادہ اور سستی ایل این جی منگوائی جا رہی ہے۔

ترجمان پیٹرولیم ڈویژن کا کہنا ہے کہ  سردی کی لہر بڑھنے سے سوئی نادرن سسٹم میں سٹی لوڈ  میں 9 فیصد تک اضافہ ہوا ہے،   اسی طرح سوئی سدرن کو کراچی اور کوئٹہ میں کم پریشر کا سامنا کرنا پڑ رہا ہے۔ تاہم کابینہ سے منظور شدہ لوڈ منیجمنٹ پلان کےمطابق سی این جی اور پاور کیپٹو یونٹ کی گیس بند کی جائے گی۔

انہوں نے  عوام سے درخواست کی کہ وہ گیس کا استعمال سمجھداری سے کریں۔گیس کمپریسر کا استعمال غیر قانونی ہے،گیس کمپریسر گیس پریشر میں کمی کا سبب بھی بنتا ہے