فیڈرل بورڈ آف ریونیو(ایف بی آر) نے ٹیکس ریٹرن جمع کرانے کی آخری تاریخ میں توسیع کا اصولی فیصلہ کرلیا ۔

تفصیلات کے مطابق فیڈرل بورڈ آف ریونیو(ایف بی آر) نے سال 2020 کے ٹیکس ریٹرن جمع کرانے کی آخری تاریخ میں توسیع کا اصولی فیصلہ کرلیا ہے۔

ترجمان ایف بی آر کا کہنا ہے کہ توسیع تمام ٹیکس گزاروں کو نہیں ملے گی،  مختلف نوعیت کی ٹیکس ریٹرن جمع کرانے والوں کو یہ سہولت ملے گی۔

ایف بی آر نے اس ضمن میں سرکلر جاری کردیا ہے۔

ترجمان ایف بی آر کا کہناہے کہ ذیلی ادارے اپنے دفاتر میں انکم ٹیکس گوشوارے داخل کرانے  کے لیے ڈیسک قائم کریں، ڈیسک گوشوارے داخل کرانے کی تاریخ میں توسیع کی متعلقہ درخواستیں وصول کرے۔

چیف کمشنر کو تاریخ میں توسیع سے متعلق ایک درخواست کے ذریعے کئی ٹیکس گزاروں کو توسیع دی جا سکے گی۔ بشرط یہ کہ ٹیکس گزار کا نام، شناختی کارڈنمبر، این ٹی این اور حدود کی نشاندہی کے بارے میں بتایا گیا ہو۔

گوشوارے داخل کرنے کی تاریخ میں توسیع کے لیے آن لائن درخواست بھی قابل قبول ہو گی۔