‏رواں مالی سال جولائی سے نومبر کے دوران گذشتہ سال کی نسبت تجارتی خسارےمیں اضافہ ہوا ہے۔

ادارہ شماریات کی جانب سے جاری کردہ رپورٹ کے مطابق  رواں مالی سال کے پہلے پانچ ماہ میں تجارتی خسارے میں 101 ملین ڈالر کا اضافہ ہوا ہے۔

ادارہ شماریات کی رپورٹ میں بتایا گیا ہے کہ رواں مالی سال کے پہلے ماہ میں تجارتی خسارہ بڑھ کر 9 ارب 74 کروڑ ڈالر تک پہنچ گیا ہے۔

ادارہ شماریات  کا کہنا ہے کہ تجارتی خسارہ درآمدات میں اضافے  کے باعث بڑھا ہے۔

ادارہ شماریات کی جانب سے جولائی سے نومبر تک  کے جاری کردہ تجارتی اعدادوشمار  کے مطابق  جولائی سے نومبر کے دوران 19 ارب 48 کروڑ ڈالر کی درآمدات ریکارڈ ہوئی ہیں۔

گذشتہ مالی سال کے اسی عرصہ کے دوران 19 ارب 17 کروڑ ڈالر کی درآمدات ریکارڈ ہوئی تھیں۔

نومبر 2020 کے دوران نومبر 2019 کی نسبت تقریبا 10 فیصد درآمدی بل بڑھاہے۔گذشتہ ایک ماہ کے دوران 4 ارب 31 کروڑ ڈالر کی درآمدات رہیں جبکہ 2 ارب 17 کروڑ ڈالر کی برآمدات رہی۔

‏اکتوبر 2020 کی نسبت گذشتہ ماہ برآمدات میں 3 فیصد اضافہ ریکارڈ ہوا ہے۔