صنعتی صارفین کیلئے یکساں بجلی ٹیرف نافذ کرنے کی منظوری
اقتصادی رابطہ کمیٹی کی جانب سے صنعتی صارفین کیلئے یکساں بجلی ٹیرف نافذ کرنے کی منظوری دے دی گئی ہے۔
تفصیلات کے مطابق مشیر خزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس منعقد ہوا ہے جس میں صنعتی صارفین کیلئے یکساں بجلی ٹیرف نافذ کرنے کی منظوری دی گئی ہے۔
اجلاس میں فیصلہ کیا گیا ہے کہیکساں بجلی کے ٹیرف کا اطلاق یکم نومبر 2020 سے 30 اپریل 2021 تک ہوگا۔
ای سی سی کے اجلاس کے دوران اقتصادی رابطہ کمیٹی نے صنعتی صارفین کیلئے پیک اور آف پیک آورز کو ختم کرنے کی منظوری بھی دیدی گئی ہے۔
یاد رہے کہ اجلاس میں تجویز دی گئی کہ صنعتی سپورٹ پیکیج کے طور پر موجودہ نظام اور پیک اوقات میں موجود فرق کو دور کیا جاسکتا ہے جبکہ تجویز کا مقصد صنعتی یونٹس کو چوبیس گھنٹے چلانے اور آزمائشی کی گھڑی میں زیادہ سے زیادہ پیداوار کی ترغیب دینا ہے۔
اجلاس میں وزیر نجکاری محمد میاں سومرو ، وزیر اقتصادی امور مخدوم خسرو بختیار ، وزیر ریلوے شیخ رشید احمد ،مشیر تجارت عبدالرزاق داؤد نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News