حکومت کی جانب سے ایک بار پھر مہنگائی کے حوالے سے عوام کے لئے بری خبر تیار ہے۔

تفصیلات کے مطابق حکومت کی جانب سے یکم فروری سے پٹرولیم مصنوعات کی قیمتوں میں اضافے کا امکان ظاہر کیا گیا ہے۔

اس ضمن میں ذرائع کا کہنا ہے کہ اوگرا کی جانب سے پٹرولیم مصنوعات کی قیمتوں میں اضافے کی سمری پٹرولیم ڈویژن کو ارسال کردی گئی ہے جس میں پیٹرولیم مصنوعات پر  12 روپے فی لیٹر اضافہ کی تجویز ہے۔

ذرائع نے بتایا ہے کہ اوگرا نے سمری 30 روپے فی لیٹر لیوی کی بنیاد پر تیار کی ہے تاہم پٹرولیم مصنوعات کی قیمتوں میں اضافےکی حتمی منظوری وزیراعظم دیں گے۔

ارسال کی جانے والی سمری میں ڈیزل کی قیمت میں 10 روپے فی لیٹر تک جبکہ مٹی کا تیل 7 روپے، لائٹ ڈیز ساڑھے 5 روپے فی لیٹر مہنگا کرنے کی تجویز دی گئی ہے۔

وزیراعظم کی منظوری کے بعد وزارت خزانہ نئی قیمتوں میں اضافے کا اعلان کرے گی۔