پاکستان سپر لیگ (پی ایس ایل) کے ساتویں میچ میں ملتان سلطانز نے لاہور قلندرز کو 7 وکٹوں سے شکست  دے دی۔

نیشنل اسٹیڈیم کراچی میں پاکستان سپر لیگ(پی ایس ایل) کے چھٹے سیزن کے ساتویں میچ میں ملتان سلطانز نے لاہور قلندرز کے خلاف 158 رنز کا ہدف 3 وکٹوں کے نقصان پر با آسانی 17 ویں  اوور میں حاصل کرلیا۔

ملتان کی جانب سے کپتان محمد رضوان نے 76 رنز کی شاندار اننگز کھیلی جبکہ صہیب مقصود 61 رنز بناکر ناقابل شکست رہے۔جیمز ونس 5 اور کر لین بغیر کوئی رن بنائے آؤٹ ہوئے۔

لاہور کی جانب سے شاہین شاہ آفریدی نے 2 جبکہ سمت پٹیل نے ایک وکٹ حاصل کی۔

اس سے قبل  ملتان سلطانز نے ٹا س جیت کر لاہور قلندرز کو پہلے بیٹنگ کرنے کی دعوت دی تھی ۔

لاہور قلندرز نے پہلے بیٹنگ کرتے ہوئے مقررہ 20 اوورز  محمد  حفیظ (60)کی نصف سنچری کی بدولت میں 6 وکٹوں کے نقصان 157 رنز بنائے تھے۔

ان کے علاوہ جو ڈینلی 31 اور سمت پٹیل 26 رنز بناکر نمایاں رہے تھے۔

ملتان کی جانب سے کارلوس براتھویٹ اور شاہنواز دھانی نے 2 ،2 جبکہ عثمان قادر نے ایک وکٹ حاصل کی تھی۔