سیکیورٹیز اینڈ ایکسچینج کمیشن آف پاکستان (ایس ای سی پی ) نے بینکوں میں کمپنیوں کے اکاؤنٹ  کھولنے کے لیے پورٹل کا اجراء کر دیا۔

سیکیورٹیز اینڈ ایکسچینج کمیشن آف پاکستان (ایس ای سی پی ) کے مطابق  بینکوں کو کمپنیوں سے انضباطی دستاویزات کی فراہمی کا مطالبہ نہیں کرنا پڑے گا۔

پورٹل کے ذریعے کمپنی کی دستاویزات کی آن لائن تصدیق ممکن ہو گی۔پورٹل پر پرائیویٹ لمیٹڈ کمپنیوں، پبلک لمیٹڈ اور غیر منافع بخش آرگنائزیشن کا ڈیٹا موجود ہو گا۔

بینک بذریعہ پورٹل کمپنیوں کے ریکارڈ کی تصدیق کرتے ہوئے بلا تعطل کارپوریٹ اکاؤنٹ کھول سکیں گے۔