حکومت نے پیٹرولیم مصنوعات کی قیمتوں میں کمی کا اعلان کردیا۔

تفصیلات کے مطابق  وزارت خزانہ نے پیٹرولیم مصنوعات کی نئی قیمتوں کا اعلان کردیا۔

پیٹرول  کی قیمت میں 1 روپے 55 پیسے فی لیٹر  جبکہ  ہائی اسپیڈ ڈیزل کی فی لیٹر قیمت میں تین روپے کی کمی کی گئی ہے۔

مٹی کے تیل کی قیمت میں 1 روپے 55 پیسے اور  لائٹ ڈیزل  کی قیمت میں 1 روپے 56 پیسے فی لیٹر کمی کی گئی ہے۔

نئی قیمتوں کا اطلاق آج رات 12 بجے سے ہوگا۔

قیمتوں میں کمی کے بعد  پیٹرول کی نئی قیمت 110 روپے 35 پیسے ، ہائی اسپیڈ ڈیزل کی نئی قیمت 113 روپے 8 پیسے  ، مٹی کے تیل کی نئی قیمت 82 روپے 6 پیسے  جبکہ  لائٹ ڈیزل کی نئی قیمت 79  روپے 86  پیسے ہوگی۔