وزارت خزانہ کی جانب سے ملکی معیشت پر ماہانہ اپ ڈیٹ آؤٹ لک رپورٹ جاری کردی گئی ہے جس میں بتایا گیا ہے کہ معاشی بحالی اور سرگرمیوں میں تیزی کا سلسلہ جاری ہے۔

آؤٹ لک رپورٹ کے مطابق پاکستان میں صنعتی اور زرعی پیداوار میں بہتری، ٹیکس ریونیو اور ترسیلات زر میں اضافہ ہوا ہے۔

رپورٹ میں بتایا گیا ہے کہ جولائی تا مارچ ترسیلات زر 26 فیصد اضافے سے 21.5 ارب ڈالر کا ہوگیا ہے جبکہ کرنٹ اکاؤنٹ  سرپلس ریکارڈ کیا گیا ہے۔

ملکی برآمدات 2. 3فیصد اضافے سے 18.7 ارب ڈالر کی سطح پر اور ملکی درآمدات 9.4 فیصد اضافے سے 37.4 ارب ڈالر کی سطح تک پہنچ گئی ہیں۔

رپورٹ کے مطابق مہنگائی کی سالانہ شرح میں بھی کمی ہوئی ہے ۔