کراچی: پاکستان اسٹاک مارکیٹ میں آج بھی مندی دیکھنے میں آئی ہے۔

تفصیلات کے مطابق آج صبح مارکیٹ کھلتے ہی ٹریڈنگ کے دوران 68 پوائنٹس کم ہوگئے جب کہ 100 انڈیکس میں 43 ہزار 164 پوائنٹ کی سطح پر ٹریڈنگ ہورہی ہے۔

واضح رہے کہ گزشتہ ہفتہ اسٹاک مارکیٹ میں تاریخی مندی دیکھنے کو ملی تھی جب کہ گزشتہ ہفتہ وار رپوٹ میں 100 انڈیکس میں کاروباری ہفتے کا اختتام 881 پوائنٹس کی کمی کے ساتھ 43 ہزار 232 پر ہوا تھا۔

ہفتہ وار رپورٹ کے مطابق کاروباری ہفتہ 100 انڈیکس میں 3 ہزار 6 پوائنٹس کے بینڈ میں رہا تھا جبکہ گزشتہ ہفتے انڈیکس کی بلند ترین سطح 45 ہزار 757 ریکارڈ کی گئی تھی۔

یاد رہے کہ ادارہ شماریات کی جاری کردہ ہفتہ وار مہنگائی کی رپورٹ میں ہفتے تک ملک میں مہنگائی کی شرح میں زیرو اعشاریہ 48 فیصد کمی واقع ہوئی تھی۔