ایشیائی ترقیاتی بینک نے پاکستان کے لئے 90 کروڑ ڈالر قرض کی منظوری دے دی ہے۔

ایشیائی ترقیاتی بینک کی جانب سے جاری اعلامیے کے مطابق پاکستان کے لئے 60 کروڑ ڈالر قرض کی منظوری دی گئی ہے، اس کے علاوہ پاکستان کو 30 لاکھ ڈالر کی گرانٹ بھی ملے گی۔

اے ڈی بی کے مطابق قرض اور گرانٹ کی رقم نتیجہ خیز سماجی تحفظ پروگرام پر خرچ کی جائے گی۔

متعلقہ خبر: پاکستان کو سعودی عرب سے 3 ارب ڈالر موصول

اس کے علاوہ تعلیم سب کے لئے فاؤنڈیشن کی طرف سے بھی اے ڈی بی کے ذریعے 24 ملین گرانٹ خرچ کی جائے گی۔

واضح رہے کہ پاکستان چند روز قبل پاکستان کو سعودی عرب سے 3 ارب ڈالر کی امداد بھی ملی تھی جب کہ آئی ایم ایف نے بھی ایک ارب ڈالر سے زائد قرض کی حامی بھری ہے۔

متعلقہ خبر: تحریک انصاف دور میں غیر ملکی قرض میں 32 ارب ڈالر کا اضافہ

تحریک انصاف کی حکومت اب تک مختلف ممالک اور مالیاتی اداروں سے 32 ارب ڈالر سے زائد کا قرض لے چکی ہے، اس وقت ملک پر قرضوں کا 125 ارب ڈالر سے زائد ہے۔