اسلامی ترقیاتی بینک کی جانب سے  مہمند ڈیم  اور ہائڈرو  پاور منصوبوں کیلئے 180 ملین ڈالرز  کی منظوری متوقع ہے۔

تفصیلات کے مطابق  صدر اسلامی ترقیاتی  بینک نے  وفد کے ہمراہ  وفاقی وزیر منصوبہ بندی اسدعمر سے ملاقات کی جس میں جاری سماجی ترقی کے منصوبوں پر تبادلہ خیال کیا گیا۔

صدر اسلامی ترقیاتی بینک نے کہا کہ بورڈ آف ایگزیکٹو ڈائریکٹرز کی جانب سے 18 دسمبر کو مہمند ڈیم اور ہائڈرو  پاور منصوبوں  کے لیے 180 ملین ڈالرز کی منظوری متوقع ہے۔

انہوں نے مزید کہا کہ اسلامی ترقیاتی بینک کی جانب سے پاکستان کے لیے اس سے قبل اپریل 2021 میں کوڈ 19 ویکسین سپورٹ  کے لیے 72.5 ملین ڈالرز کی منظوری دی جاچکی ہے۔

وزیر منصوبہ بندی نے صدر اسلامی ترقیاتی  بینک  سے پاکستان میں لانگ ٹرم فنانس آپریشنز میں معاونت پر زور  دیا جس پر انہوں نے ہر ممکن تعاون کی یقین  دہانی کروائی۔