اسٹیٹ بینک کے گورنر رضا باقر نے کہا ہے کہ آئل مارکیٹنگ کے تمام مسائل وہ حل کروائیں گے۔

آئل مارکیٹنگ ایسوسی ایشن کے وفد نے  چئیرمین طارق وزیرعلی کی سربراہی میں گورنر آف اسٹیٹ بنک رضا باقر سے ملاقات کی ہے۔

ملاقات میں اسٹیٹ بینک کے گورنر نے آئل مارکیٹنگ کمپنیوں کے مسائل حل کرانے کی یقین دہانی کروائی ہے، رضا باقر نے کہا کہ بینک آئل مارکیٹنگ کمپنیوں کے اکاؤنٹس منجمد نہیں کرینگے۔

 انہوں نے کہا کہ پاکستان بینکس ایسوسی ایشن اور آئل مارکیٹنگ ایسوسی ایسن کی ملاقات کروائنگا جس میں تمام معاملات حل ہو جائنگے.

 چئیرمین ایسوسی ایشن طارق وزیر علی نے رضا باقر کو بتایا کہ بینکوں کی جانب سے آُئل مارکیٹنگ کمپنیوں کو بے جا تنگ کیا جارہا ہے جس سے آئل مارکیٹنگ کا شعبہ غیر یقینی صورتحال کا شکار ہے.

 طارق وزیر علی نے کہا کہ ایک رپورٹ کے مطابق سال 2021 میں تقریباً 18 ملین میٹرک ٹن پٹرول اور ڈیزل کا استعمال کیا گیا ہے، پاکستان میں دیگر ممالک کی نسبت پٹرولیم مصنوعات کی قیمتیں بہت کم ہیں۔

    ملاقات میں سینئر وائس چئیرمین طارق محمود, وائس چئیرمین احسن مجید اور دیگر بھی موجود تھے۔