کے الیکٹرک نے بجلی سستی کرنے کی درخواست کردی ہے۔

کے الیکٹرک کی جانب سے نیشنل الیکٹرک پاور ریگولیٹری اتھارٹی میں درخواست دائر کی گئی ہے جس میں دسمبر کی ایڈجسٹمنٹ میں بجلی فی یونٹ  ایک روپے  79پیسے سستی کرنے کی درخواست کی گئی ہے۔

نیپرا کے الیکٹرک کی درخواست پر 2 فروری کو سماعت کرے گی۔

یہ بھی پڑھیں: اچھی خبر؛ نیپرا نے کے الیکٹرک صارفین کیلئے بجلی سستی کردی

رواں ہفتے بھی نیشنل الیکٹرک پاور ریگولیٹری اتھارٹی (نیپرا) نے کے الیکٹرک صارفین کیلئے بجلی 76 پیسے فی یونٹ سستی کی تھی۔

نیشنل الیکٹرک پاور ریگولیٹری اتھارٹی نے بجلی کے نرخ میں کمی کا نوٹی فکیشن جاری کرتے ہوئ بتایا کہ بجلی کی قیمت میں کمی نومبر 2021 کی فیول ایڈجسٹمنٹ کی مد میں کی گئی تھی۔

نوٹی فکیشن کے مطابق کے الیکٹرک صارفین کو کمی کا ریلیف فروری 2022 کے بلوں میں ملے گا، کمی کا اطلاق کے الیکٹرک کے لائف لائن صارفین پر نہیں ہوگا۔