کراچی: پاکستان اسٹاک ایکسچینج اور ڈالر سمیت سیگر کرنسیز کی ہفتہ وار رپورٹ جاری کردی گئی ہے جس میں رواں ہفتے کاروبار کا مثبت رجحان ریکارڈ کیا گیا ہے۔

پاکستان اسٹاک ایکسچینج

پاکستان اسٹاک ایکسچینج کی ہفتہ وار رپورٹ کے مطابق رواں ہفتے کاروبار کا مثبت رجحان ریکارڈ کیا گیا جبکہ 100 انڈیکس 418 پوائنٹس اضافے کے ساتھ 45 ہزار 763 پر بند ہوا۔

انڈیکس کی ہفتہ وار بلند ترین سطح 46 ہزار 220 رہی جبکہ انڈیکس کی ہفتہ وار کم ترین سطح 45 ہزار 206 ریکارڈ کی گئی۔ بازار میں ایک ہفتے کے دوران 1.77 ارب شیئرز کے سودے ہوئے۔

شیئرز بازار کی ہفتہ وار کاروبار کی مالیت 44 ارب روپے رہی جبکہ مارکیٹ کیپٹلائزیشن 74 ارب بڑھ کر 7 ہزار 846 ارب روپے ہوگئی۔

ڈالر

دوسری جانب ڈالر اور دیگر کرنسی کی ہفتہ وار رپورٹ بھی جاری کی گئی ہے جس کے مطابق ایک ہفتے کے دوران انٹربینک میں ڈالر 60 پیسے سستا ہوگیا۔

رپورٹ کے مطابق ایک ہفتے میں انٹربینک میں ڈالر 176.67 روپے سے کم ہوکر 176.07 روپے پر بند ہوا۔

رواں ہفتے میں انٹربینک کے بعد اوپن مارکیٹ میں ڈالر 1.50 روپے سستا ہوا جبکہ رواں ہفتے میں اوپن مارکیٹ میں ڈالر 179.50 روپے سے کم ہوکر 178 روپے کا ہوگیا ہے۔

دیگر کرنسیز

رپورٹ کے مطابق رواں ہفتے میں یورو 2 روپے اضافے سے 203.50 روپے پر پہنچ گیا ہے جبکہ پاؤنڈ 2.50 روپے مہنگا ہوکر بلند ترین سطح 243.50 روپے پر پہنچ گیا ہے۔

علاوہ ازیں رواں ہفتے امارتی درہم 1 روپے کمی سے 49.80 روپے کا ہوگیا جبکہ سعودی ریال 35 پیسے کمی سے 46.95 روپے کا ہوگیا ہے۔