مہنگائی کے اس دور میں عوام کے لیے ایک اور بُری خبر سنٹرل پاورپرچیزنگ ایجنسی نے بجلی فی یونٹ 3 روپے 12 پیسے مہنگی کرنے کی نیپرا میں درخواست جمع کروا دی ہے۔

نیپراذرائع کےمطابق  سی سی پی اے نے بجلی مہنگی کرنےکی درخواست دسمبرکی فیول پرائس ایڈجسٹمنٹ کی مد میں دی ہے، درخواست میں بتایا گیا ہے کہ دسمبر2021 میں 8 ارب 52 کروڑیونٹ بجلی پیدا ہوئی، بجلی کی پیداوارلاگت 73 ارب 84 کروڑروپے رہی۔

22 روپے 24 پیسے میں فرنس آئل سے مہنگی ترین بجلی پیدا کی گئی، ایل این جی سے 17 روپے 80 پیسے فی یونٹ میں بجلی پیدا ہوئی، 14 روپے 8 پیسے فی یونٹ میں ڈیزل سے بجلی پیدا ہوئی، کوئلے سے بجلی کی پیداواری لاگٹ 13 روپے 31 پیسے فی یونٹ میں ہوئی۔

نیپرا یکم فروری کوبجلی کی قیمتوں میں اضافے کی درخواست پرسماعت کرے گا، اضافے کی صورت میں صارفین پر30 ارب سے زائد روپے اضافی بوجھ پڑے گا۔

واضح رہے کہ درخواست کے الیکٹرک کے سوا ملک بھر کی لئے ہے۔