کراچی(ایف بی آر) فیڈرل بورڈآف ریونیو نے پیٹرولیم مصنوعات پر سیلز ٹیکس کی شرح کا نوٹیفکیشن جاری کردیا ہے۔

ایف بی آر کی جانب سے جاری اعلامیے کے مطابق پیٹرول پر سیلز ٹیکس کی شرح 4.77 فیصد مقرر، ہائی اسپیڈ ڈیزل پر سیلز ٹیکس کی شرح 9.08  فیصد مقرر کی گئی ہے۔

اعلامیے کے مطابق مٹی کے تیل پر سیلز ٹیکس کی شرح 8.30 فیصد مقرر اور لائٹ ڈیزل پر سیلز ٹیکس کی شرح 2.70  فیصد شرح مقرر کی گئی ہے۔

خیال رہے کہ وفاقی حکومت نے رواں ماہ کے آغاز پر ہی پیٹرولیم مصنوعات کی قیمتوں میں 4 روپے کا اضافہ کیا تھا۔

یہ بھی پڑھیں: حکومت کا عوام کیلیے سال نو پر تحفہ، پیٹرول مزید مہنگا کردیا

وزارت خزانہ کی جانب سے جاری کردہ نوٹی فکیشن کے مطابق پیٹرول کی قیمت میں 4 روپے اضافہ کیا گیا ہے جس کے بعد نئی قیمت 144 روپے اور82 پیسے فی لیٹر ہوگئی۔