روس کی فوجوں کے یوکرین کے مشرقی علاقوں میں داخلے کے بعد عالمی منڈی میں خام تیل کی قیمت ریکارڈ سطح پر پہنچ گئی ہے۔

روس اور یوکرین کے درمیان فوجی تصادم نے جہاں عالمی امن کو تہہ و بالا کیا ہے وہیں اس کا اثر خام تیل کی قیمتوں پر بھی پڑا ہے۔

عالمی منڈی میں 7 سال بعد خام تیل کی قیمت  103  ڈالر فی بیرل کی ریکارڈ سطح سے تجاوز کرگئی ہے۔

مزید پڑھیے: روس کا یوکرائن میں فوجی آپریشن کا اعلان

بین الاقوامی منڈی میں جمعرات کے روز امریکی ویسٹ ٹیکساس انٹرمیڈیٹ خام تیل کی قیمت میں کم و بیس ساڑھے 6  ڈالرز فی بیرل کا اضافہ ہوا ہے اور اس وقت اس کے سودے 98  ڈالرز فی بیرل سے زائد پر ہورہے ہیں۔

اسی طرح لندن برینٹ خام تیل کی قیمت میں بھی ایک روز کے دوران پونے 7  ڈالر فی بیرل کا اضافہ دیکھا جارہا ہے۔

مزید پڑھیے: پاکستان کو روس سےمتعلق اپنے موقف سے آگاہ کردیا، امریکا

عالمی منڈی میں لندن برینٹ خام تیل کے سودے  103  ڈالر فی بیرل کے حساب سے طے پا رہے ہیں۔

دوسری جانب گیس کی قیمتوں میں بھی 5 سے 6 فیصد تک اضافہ ہوا ہے۔

ماہرین کا کہنا ہے کہ کہ روس کی جانب سے یوکرین پر حملے اور امریکا کی جانب سے سے روس پر لگائی جانے والی پابندیوں کے باعث خدشہ ہے کہ خام تیل کی قیمتیں موجودہ سطح سے کئی کافی زیادہ بڑھ سکتی ہیں ۔