رمضان المبارک سے قبل ہی یوٹیلیٹی اسٹورز پر گھی، آئل، دالوں اور بیسن سمیت بیشتر اشیاء کی قیمتوں میں اضافہ ہوگیا ہے۔

تفصیلات کے مطابق یوٹیلیٹی اسٹورز میں برانڈڈ  گھی و آئل 15 روپے اضافے سے 417 روپے فی کلو کا ہو گیا ہے۔ دال چنا  کی قیمت 17 روپے اضافے سے 162 روپے فی کلو ہوگئی ہے۔

سفید چنے 41 روپے اضافے سے 213 روپے  فی کلو  اور کالے چنے 17 روپے اضافے سے 172 روپے  فی کلو  کے ہو گئے ہیں۔

دال ماش 22 روپے اضافے سے 282 روپے فی کلو، دال مسور 85 روپے اضافے سے 215 روپے  فی کلو کی ہوگئی ہے جبکہ  بیسن 30 روپے اضافے سے 190 روپے فی کلو کا ہوگیا ہے۔

باسمتی چاول 140 روپے سے بڑھ کر 155 روپے  فی کلو کے ہو گئے ہیں۔

چینی 85 روپے فی کلو میں دستیاب ہے اور 20 کلو آٹے کا تھیلا 950 روپے میں مل رہا ہے۔