انٹر بینک میں ڈالر کی قیمت میں کاروباری ہفتے کے پہلےروز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 99 پیسے کا اضافہ ریکارڈ کیا گیا ہے۔

فاریکس ڈیلرز کے مطابق ٹریڈنگ کے دوران انٹر بینک میں ڈالر 91 پیسے مہنگا ہونے کے بعد 182 روپے 54 پیسے پر بند ہوا ہے جبکہ اوپن مارکیٹ میں  ایک روپے اضافے کے بعد ڈالر 183 روپے کے قریب فروخت ہو رہا ہے۔

Interbank closing #ExchangeRate for todayhttps://www.bolnews.com/urdu/business/2022/04/613121/amp/ pic.twitter.com/oZhYI7uJ7T

Advertisement

— SBP (@StateBank_Pak) April 18, 2022

گذشتہ کاروباری ہفتے کے اختتام پر ڈالر 181.55 روپے پر بند ہوا تھا۔

خیال رہے یکم مارچ سے سات اپریل تک ڈالر کے مقابلے میں روپے کی قدر میں 10.70 روپے کی کمی ہوئی تھی مگر اٹھ اپریل سے پندرہ اپریل تک روپے کی قدر میں 6.63 روپے کا اضافہ ہوا تھا۔