وفاقی وزیر صنعت و پیداوار کا کہنا ہے کہ حکومتی ریلیف پیکچ کا فائدہ ہر شخص کو ملنا چاہیے۔

وزرات صنعت و پیداوار کے جاری کردہ اعلامیے کے مطابق وفاقی وزیر مخدوم سید مرتضیٰ محمود نے جی نائن  میں واقع یوٹیلیٹی اسٹور کا دورہ کیا۔

اس موقع پر سیکرٹری صنعت و پیداوار جواد رفیق ملک اور ایم ڈی یوٹیلیٹی اسٹورز بھی  ان کے ہمراہ تھے۔ وفاقی وزیر نے اشیائے ضروریہ کی دستیابی اور کوالٹی کا جائزہ لیا۔

مخدوم مرتضیٰ محمود نے کہا کہ حکومت نے چینی اور آٹے کی قیمتوں میں نمایاں کمی کی ہے، چینی 70 روپے فی کلو اور آٹے کا 20 کلو کا تھیلا 800 روپے کا کر دیا گیا ہے۔

ان کا مزید کہنا تھا کہ  حکومتی ریلیف پیکچ کا فائدہ ہر شخص کو ملنا چاہیے۔

وفاقی وزیر نے یوٹیلیٹی اسٹورز کو رمضان میں اشیائے ضروریہ کی دستیابی کو یقینی بنانے کی ہدایت بھی کی۔