حکومت نے غیر ضروری اور لگژری اشیاء کی درآمد پر مکمل پابندی لگانے کا فیصلہ کرلیا۔

تفصیلات کے مطابق وزیر اعظم شہباز شریف کی زیر صدارت  غیر ضروری اور لگژری اشیاء کی درآمد پر اہم اجلاس ہوا۔

اجلاس کے دوران وزیر اعظم نے کہا کہ غیر ضروری اور لگژی اشیاء کی درآمد پر قیمتی زر مبادلہ خرچ نہیں ہونے دیں گے۔

ذرائع کا کہنا ہے کہ وزیر اعظم کی ہدایت پر لگژری اشیاء کی درآمد پر پابندی سے متعلق فہرست تیار کی جارہی ہے۔درآمدی پالیسی کے تحت کئی اشیاء پر پابندی اور کئی پر ڈیوٹی بڑھا دی جائے گی۔

ذرائع کا کہنا ہے کہ پاور جنریشن مشین ،ٹائلز اور 1800 سی سی سے اوپر گاڑیوں پر ریگولیٹری ڈیوٹی 70 سے 100 فیصد تک بڑھائی جائے گی۔

ذرائع کا مزید کہنا ہے کہ مہنگے موبائل ،کاسمیٹکس اور مہنگی گاڑیوں کی درآمد پر پابندی ہوگی۔ موبائل فونز پر ریگولیٹری ڈیوٹی دگنی کرنے کا فیصلہ کیا گیا ہے۔

اس کے علاوہ گھریلو بجلی کے درآمدی آلات پر بھی ڈیوٹی بڑھے گی۔ لگثری اشیاء پر پابندی سے ماہانہ ایک ارب ڈالرز کی بچت کا منصوبہ ہے۔