یوٹیلیٹی اسٹورز کارپوریشن (یو ایس سی) رواں مالی سال  سیلز کا ہدف حاصل کرنے میں ناکام ہوگئے ہیں۔

ذرائع کے مطابق یوٹیلیٹی اسٹورز کو رواں مالی سال ماہ رمضان میں سیلز میں 10 ارب روپے کے نقصان کا انکشاف ہوا ہے۔

ذرائع کا کہنا ہے کہ یو ایس سی نے رواں مالی سال رمضان میں 26 ارب روپے سیلز کا ہدف رکھا تھا، رمضان میں حکومتی سبسڈی کے باوجود 16 ارب روپے کی سیلز ہوئیں۔

ذرائع کا کہنا ہے کہ سیلز میں کمی بروقت خریداری نہ کرنے اور اشیاء کی عدم دستیابی کی وجہ سے ہوئی۔ گزشتہ مالی سال سے رواں مالی سال اشیاء کی قیمتوں میں بھی 30 فیصد تک اضافہ ہوا۔

گزشتہ مالی سال گھی 170 روپے، چینی 68 روپے اور آٹا 800 روپے کا دستیاب تھا۔ رواں مالی سال گھی 260 روپے، چینی 85 روپے اور 75 روپے اور آٹا 950 روپے اور 800 روپے میں فروخت ہوا۔

ذرائع کا مزید کہنا ہے کہ اشیاء کی قیمتوں میں اضافے  کو دیکھا جائے تو سیلز مزید کم ہوئیں ۔

دیگر سبسڈائزڈ اشیاء کی قیمتوں میں بھی اضافے  کے باوجود سیلز میں کمی ہوئی۔