کرنٹ اکاونٹ خسارے میں 13.8 ارب ڈالرز کا اضافہ ریکارڈ کیا گیا ہے۔

تفصیلات کے مطابق وزارت خزانہ نے ملکی معیشت پر ماہانہ اپ ڈیٹ آؤٹ لک رپورٹ جاری کردی۔

پہلے 10 ماہ میں ترسیلات زر 7.6 فیصد اضافے سے 26.1 ارب ڈالرز ریکارڈ کی گئیں۔

ملکی برآمدات 27.8 فیصد اضافے سے 26.9 ارب ڈالرز کی سطح تک پہنچ گئیں جبکہ درآمدات 39 فیصد اضافے سے 59.8 ارب ڈالرز کی سطح تک پہنچ گئیں۔

کرنٹ اکاونٹ خسارے میں 13.8 ارب ڈالرز کا اضافہ ریکارڈ کیا گیا۔ براہ راست غیر ملکی سرمایہ کاری  1.6 فیصد کمی سے 1.45 ارب ڈالرز رہی جبکہ  پورٹ فولیو سرمایہ کاری منفی رجحان کے ساتھ 473.5 ملین ڈالرز ہو گئی۔

مجموعی غیر ملکی سرمایہ کاری 57.1 فیصد کمی کے ساتھ 1570.2 ملین ڈالرز تک پہنچ گئی۔

رپورٹ کے مطابق زرمبادلہ  کے ذخائر مئی کے تیسرے ہفتے تک 16.108 ارب ڈالرز رہے۔ اسٹیٹ بینک  کے ذخائر 10 ارب 02 کروڑ ڈالرز اور کمرشل بینکوں کے ذخائر 6.08 ارب ڈالرز رہے۔

ڈالر کی شرح تبادلہ 201.92 روپے فی ڈالر کی سطح پر پہنچ گئی۔9  ماہ میں ٹیکس ریونیو 28.5 فیصد اضافے سے 4855 ارب روپے رہا۔

جولائی تا مارچ نان ٹیکس آمدنی 15.7 فیصد کمی سے 983 ارب  روپے رہی ۔ جولائی تا اپریل پی ایس ڈی پی کی مد میں 603 ارب روپے منظور کیے گئے؎۔

جولائی تا مارچ مالیاتی خسارہ بڑھ کر 2566 ارب روپے کی سطح تک پہنچ گیا۔ پہلے 9 ماہ میں زرعی قرضے 1.4 فیصد کمی سے 1058 ارب روپے کی سطح پر رہے۔

اپریل میں مہنگائی کی ماہانہ شرح 13.4 فیصد ریکارڈ کی گئی  جبکہ پہلے 10 ماہ میں مہنگائی کی سالانہ شرح 11 فیصد ریکارڈ کی گئی۔

مارچ میں بڑی صنعتوں کی شرح نمو 26.6 فیصد رہی ۔بڑی صنعتوں کی شرح نمو جولائی سے مارچ کے دوران 10.4 فیصد رہی۔

اسٹاک ایکسچینج انڈیکس 42 ہزار 13 پوائنٹس تک پہنچ گیا۔