کراچی والوں کے لیے خوشی کی خبر آگئی ہے، حکومت نے کراچی میں 165 نئے یوٹیلیٹی اسٹورز کھولنے کا منصوبہ بنالیا ہے۔

ذرائع کے مطابق کراچی میں 165 نئے یوٹیلیٹی اسٹورز کھولنے کا منصوبہ بنایا گیا ہے جبکہ وزیراعظم شہباز شریف کی ہدایت پر یہ پلان تیار کیا گیا ہے۔

یہ بھی پڑھیں: یوٹیلیٹی اسٹورز پر حکومت کی جانب سے دی جانے والی سبسڈی جاری

حکومتی ذرائع کا کہنا ہے کہ کراچی کی آبادی زیادہ ہے جبکہ یوٹیلیٹی اسٹورز کم ہیں، کراچی میں ڈیڑھ سے دو لاکھ کی آبادی کے لیے صرف ایک یوٹیلیٹی اسٹور ہے۔

پنجاب میں 50 سے 60 ہزار کی آبادی کے لیے ایک یوٹیلیٹی اسٹور ہے، نئے اسٹورز کے قیام سے کراچی کے شہری وزیر اعظم پیکچ سے مستفید ہوسکیں گے۔

ذرائع کا مزید کہنا ہے کہ وزیر اعظم پیکچ کے تحت 5 بنیادی اشیاء پر سبسڈی دی جارہی ہے جس میں گھی، آٹا، چینی، دال اور چاول شامل ہیں۔