کاروباری ہفتے کے دوسرے روز انٹر مارکیٹ میں ڈالر کے مقابلے روپے کی قدر میں مزید کمی ہوگئی۔

 امریکی ڈالر 3 روپے 94 پیسے اضافے کے بعد ڈالر تاریخ کی بلند ترین سطح 204 روپے تک پہنچ گیا ہے۔

منگل کے روز کاروبارکے آغاز پر انٹربینک میں ڈالر کی قدر میں اضافہ دیکھنے میں آیا اور کاروبار کے دوران ڈالر 202 روپے 75 پیسے کا ہوگیا۔

پیر کے روز بھی کاروبار کے دوران ڈالر کی قدر میں اضافہ دیکھنے میں آیا اور کاروبار کے اختتام پر ڈالر 200 روپے 6 پیسے پر بند ہوا۔

اس کے علاوہ اوپن مارکیٹ میں ڈالر 4 روپے مہنگا ہوکر 205 روپے کا ہوگیا ہے۔

واضح رہے کہ 26 مئی کو 202.01 روپے کی بلند ترین سطح پر پہنچنے کے بعد گزشتہ ہفتے تک ڈالر کی میں قیمت میں 4 روپے سے زائد کی  کمی آچکی تھی۔