ڈرگ ریگولیٹری اتھارٹی آف پاکستان (ڈریپ) نے ملک بھر میں ادویات کی قیمتوں میں 3 سے 7 فیصد تک اضافے کی خبروں کی تردید کردی ہے۔

سی ای او ڈریپ ڈاکٹر عاصم راؤف کا اس حوالے سے کہنا ہے کہ ادویات کی قیمتوں میں اضافے کی خبریں من گھڑت ہیں، ڈریپ کی جانب سے ایسی کوئی سمری نہیں بھجوائی گئی۔

سی ای او ڈریپ نے کہا کہ ڈریپ کی ٹیمیں انسپیکشن کیلئے فیلڈ میں موجود ہیں، تمام معاملات کو مانیٹر کیا جارہا ہے، مہنگی ادویات بیچنے والوں کیخلاف فوری ایکشن لیا جائےگا۔

واضح رہے کہ گزشتہ دنوں ینگ فارماسسٹ ایسوسی ایشن کے جنرل سیکٹری کی جانب سے وزیر اعظم کو ڈریب کی قیمتوں میں اضافے سے متعلق تیار کردہ سمری پر خط بھیجا گیا تھا۔