انٹر بینک میں آج کاروباری ہفتے کے چوتھے روز بھی روپیہ تگڑا اور ڈالر کی قدر میں کمی کا سلسلہ جاری ہے۔

انٹر بینک میں دن کے آغاز سے ہی ڈالر کی بے قدری کا سلسلہ جاری رہا، گزشتہ روز کے مقابلے میں 27 پیسے کی کمی ہوئی اور دن کے اختتام پر انٹربینک میں ڈالر 204 روپے 85 پیسے پر بند ہوا۔

Interbank closing #ExchangeRate for todayhttps://www.bolnews.com/urdu/business/2022/06/618317/amp/ pic.twitter.com/d7iMLMqBLH

— SBP (@StateBank_Pak) June 30, 2022

گزشتہ روز انٹر بینک میں ڈالر کی قدر میں مزید 1 روپیہ 75 پیسے کی کمی دیکھی گئی، جس کے بعد ڈالر 206 روپے 87 پیسے سے کم ہوکر 205 روپے 12 پیسے پر بند ہوا تھا۔

واضح رہے کہ امریکی ڈالر سات دن میں 7 روپے سستا ہوچکا ہے، 2 جون کو امریکی ڈالر کی قیمت انٹر بینک میں 211.93 روپے کی بلندترین سطح پر پہنچ گئی تھی۔

دوسری جانب اوپن مارکیٹ میں بھی ڈالر کی قدر میں نمایاں کمی دیکھی گئی ہے۔

معاشی ماہرین کا کہنا ہے کہ عالمی مالیاتی ادارے سے قرض کے حوالے سے مثبت خبروں کے بعد روپے کے مقابلے میں ڈالر کی قدر میں کمی دیکھی جارہی ہے۔