ایشیائی ترقیاتی بینک (اے ڈی بی) کا کہنا ہے کہ گزشتہ 6 ماہ میں پاکستان میں مہنگائی 12 سے بڑھ کر 21 فیصد ہوگئی ہے۔

ایشیائی ترقیاتی بینک (اے ڈی بی) نے جنوری تا جون معاشی اعداد و شمار جاری کردیے جس کے مطابق مہنگائی اورعالمی معاشی ایشیا کی حالات کو متاثر کرسکتے ہیں۔

اے ڈی بی کی رپورٹ کے مطابق گزشتہ 6 ماہ میں پاکستان میں مہنگائی  12 سے بڑھ کر21 فیصد، سری لنکا میں مہنگائی 14 سے بڑھ کر 45 فیصد اور بھارت میں مہنگائی 5.7 سے بڑھ کر 7 فیصد ہوگئی۔

رپورٹ میں بتایا گیا ہے کہ  گزشتہ 6 ماہ میں بنگلادیش میں مہنگائی 6.1 سے بڑھ کر 7.4فیصد جبکہ چین میں مہنگائی 1.5 سے بڑھ 2.5 فیصد اور تھائی لینڈ میں مہنگائی 2.2 سے بڑھ کر 7.7 فیصد ہوگئی۔

ایشیائی ترقیاتی بینک کی رپورٹ کے مطابق گزشتہ 6 ماہ میں پاکستان میں شرح منافع 5.25 فیصد، سری لنکا میں شرح منافع 9.5 فیصد اور بھارت میں شرح منافع 0.9 فیصد جبکہ بنگلادیش میں شرح منافع 0.7 فیصد بڑھا ہے۔

اے ڈی بی نے اپنے جاری کردہ اعلامیے میں بتایا کہ مشرقی ایشیاء کی شرح نمو کی پیشگوئی رواں سال کے لیے4.7 سے کم کر کے 3.8 فیصد کردی۔

واضح رہے کہ شرح نمو میں کمی کی وجہ سری لنکا کا معاشی بحران اور بھارت کی سخت مالی پالیسی ہے۔