گزشتہ ایک ہفتے کے دوران  ڈالر کے مقابلے میں روپے کی قدر میں 6.40فیصد اضافہ ریکارڈ کیا گیا ہے۔

پاکستانی روپے کے مقابلے میں ڈالر اور دیگر  کر نسی کی ہفتہ وار رپورٹ کے مطابق  ایک ہفتے میں  انٹر بینک میں ڈالر 15.3 روپے سستا ہوگیا ۔

گزشتہ ہفتے کے دوران  انٹر بینک میں ڈالر 239.37 روپے سے کم ہو کر 224.04 روپے پر بند ہوا جبکہ  اسی عرصے میں اوپن مارکیٹ میں ڈالر  کی قدر میں 26 روپے کی کمی ریکارڈ کی گئی۔

ایک ہفتے میں اوپن مارکیٹ میں ڈالر 248 روپے کی بلند  ترین سطح سے گر کر 222 روپے کا ہو گیا۔

ایک ہفتے میں یورو 26.50 روپے سستا ہو کر 226 روپے کا ہو گیا جبکہ  اسی عرصے میں برطانوی پاؤنڈ 30 روپے سستا ہو کر 270 روپے کا ہو گیا۔

گزشتہ ایک ہفتے میں اماراتی درہم 6.50 روپے سستا ہو کر 67.30 روپے سے کم ہو کر 60.80 روپے کا ہو گیا۔