ایف بی آر نے مسافر ٹرانسپورٹ گاڑیوں پر ایڈوانس ٹیکس ریٹس میں کمی کا فیصلہ کرلیا۔

فیڈرل بورڈ آف ریونیو( ایف بی آر) کے مطابق 4 سے 10 سیٹوں والی نان اے سی گاڑی پر  ٹیکس 500  روپے سے کم کرکے 200 روپے فی سیٹ مقرر کردیا گیا۔

10  سیٹوں تک کی اے سی گاڑی پر ٹیکس 1000 روپے سے کم کر کے 375 روپے  فی سیٹ مقرر کردیا گیا۔

20  سیٹوں والی نان اے سی مسافر گاڑی پر ایڈوانس ٹیکس میں بھی کمی کا فیصلہ کرتے ہوئے ٹیکس کا ریٹ 1500  روپے سے کم کر کے 500 روپے فی سیٹ مقرر کردیا گیا ہے۔

20 سیٹوں والی اے سی گاڑی پر سالانہ ٹیکس 2 ہزار  روپے سے کم کر کے 750 روپے  فی سیٹ کردیا ہے۔

20 سے زائد سیٹوں والی نان اے سی گاڑی پر ٹیکس 2500  روپے سے کم کر کے ایک ہزار روپے  جبکہ 20 سے زائد سیٹوں والی اے سی گاڑی پر ٹیکس 4 ہزار روپے کے بجائے 1500 روپے فی سیٹ  کردیا گیا ہے۔