پاکستان اسٹیل ملز کی نجکاری  کے معاملے میں اہم پیشرفت سامنے آئی ہے۔

ذرائع نجکاری کمیشن کے مطابق 4  چینی کمپنیوں نے پاکستان اسٹیل ملز خریدنے میں دلچسپی کا اظہار کیا ہے۔ چاروں کمپنیوں نے نجکاری کے عمل میں پری کوالیفائی کرلیا ہے۔

ذرائع کا کہنا ہے کہ اسٹیل ملز میں سرمایہ کاری  کے لیے ایک ارب ڈالر سے ڈیڑھ ارب ڈالر کی آفر موصول ہوئی ہے۔

ذرائع نجکاری کمیشن کا مزید کہنا ہے کہ  کمپنیوں کے نمائندوں کو اسٹیل ملز کا دورہ بھی کرایا گیا ہے۔ چین کی باؤ اسٹیل ملز نے اسٹیل ملز کے حصص خریدنے میں دلچسپی کا اظہار کیا ہے۔

واضح رہے کہ دسمبر 2021 میں نجکاری کمیشن نے 2 برسوں کے دوران پاکستان اسٹیل ملز سمیت وفاق کے تحت چلنے والے 10 اہم اداروں اور عمارتوں کی نجکاری کا ہدف مقرر کیا تھا۔

وفاقی حکومت نے رواں برس اداروں اور املاک کی فروخت کے ذریعے 252 ارب روپے حاصل کرنے کا ہدف مقرر کیا ہے۔