پاکستان اسٹاک ایکسچینج میں کاروباری ہفتے کے چوتھے روز انڈیکس میں منفی رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز انڈیکس میں ملاجلا رجحان رہا ، مندی کے باعث دن کے اختتام پر 100 انڈیکس میں 89 پوائنٹس کی کمی ہوئی۔

پی ایس ایکس 100 انڈیکس 89 پوائنٹس کی کمی سے 42 ہزار 137 پر بند ہوا ہے۔

دن بھرمجموعی طورپر354 کمپنیوں کے شیئرز میں کاروبار ہوا جن میں 164 کمپنیوں کے شیئرز کی قیمتوں میں اضافہ جبکہ162 کے شیئرز میں کمی ہوئی ہے۔

آج مارکیٹ کی بلند ترین سطح 42,422 جبکہ کم ترین سطح 42,097 رہی۔

ڈالر کی قیمت میں مزید اضافہ

ڈالر کی قدر میں گزشتہ کاروباری ہفتے سے مسلسل اضافہ جاری ہے، انٹر بینک میں ڈالر کی قدر میں نئے کاروباری ہفتے کے  چوتھے روز بھی اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹر بینک میں ڈالر کی قدر میں 7 پیسے کا اضافہ ہوا ہے۔

Interbank closing #ExchangeRate for todayhttps://www.bolnews.com/urdu/business/2022/10/776445/amp/ pic.twitter.com/vhnQTwjztU

— SBP (@StateBank_Pak) October 20, 2022

فاریکس ڈیلرز کے مطابق انٹر بینک میں ڈالر 220.88 سے بڑھ کر 220.95 روپے پر بند ہوا ہے۔