سپر ٹیکس کی کم وصولی سے قومی خزانے کو 6 ارب 69 کروڑ روپے سے زائد کا نقصان ہوا ہے۔

آڈیٹر جنرل آف پاکستان  کی دستاویز کے مطابق  تین فیلڈ دفاتر کے 69 کیسز میں سپر ٹیکس کا کم جائزہ لیا گیا۔

دستاویز میں بتایا گیا ہے کہ  ٹیکس سال 2020 میں ایف بی آر نے آمدنی پر سپر ٹیکس وصول نہیں کیا۔

ایف بی آر نے جواب میں کہا کہ 69  کروڑ 91 لاکھ روپے سے زائد کی رقم کی وصولی  کے منتظر ہیں جبکہ 5 ارب 88 کروڑ روپے سے زائد کی رقم کی وصولی  کے لیے قانونی چارہ جوئی کی جارہی ہے۔

آڈیٹر جنرل آف پاکستان  نے ایف بی آر کو رقم کی وصولی کے لیے قانونی کارروائی کو حتمی شکل دینے کی ہدایت کی ہے۔

دستاویز میں بتایا گیا کہ ایف بی آر سے 15 جنوری 2022 کو رپورٹ طلب کی گئی  تھی جو جمع نہیں کرائی گئی۔