بین الاقوامی مارکیٹ میں سونا سستا ہونے کے باجود پاکستان میں سونے کی قیمت تاریخ کی نئی بلند ترین سطح پر پہنچ گئی ہے۔

آج بروز بدھ 28 دسمبر کو مقامی صرافہ بازاروں میں سونے کی قیمت میں اضافہ ریکارڈ کیا گیا ہے جب کہ ایک تولہ سونا مزید 100 مہنگا ہوگیا ہے۔

نئے اضافے کے بعد سونے کی فی تولہ قیمت تاریخ کی نئی بلند ترین سطح 1 لاکھ 82 ہزار 800 روپے ہوگئی ہے۔

دس گرام سونے کی قیمت میں 85 روپے کا اضافہ دیکھا گیا ہے جس کے بعد دس گرام سونا 1 لاکھ 56 ہزار 721 روپے کا ہوگیا ہے۔

دوسری جانب بین الاقوامی مارکیٹ میں سونے کی قیمت میں کمی دیکھی گئی اور سونا 8 ڈالر فی اونس کم ہوکر 1803 ڈالر کا ہوگیا ہے۔

واضح رہے کہ گزشتہ روز سونے کی قیمت میں بڑا اضافہ ریکارڈ کیا گیا تھا، فی تولہ سونے کی قیمت میں 4 ہزار 500 روپے کا اضافہ دیکھا گیا ہے۔ اسی طرح فی دس گرام سونا 3 ہزار 858 روپے مہنگا ہوا تھا۔