ڈالر کے مقابلے میں روپے کی بے قدری کا سلسلہ آج بھی جاری رہا اور ڈالر مزید 22 پیسے مہنگا ہوگیا۔

ڈالر کی نئی قیمت نے تمام ریکارڈ توڑ دیے ہیں جب کہ کاروبار کے تیسرے روز بھی روپے کی بے قدری جاری رہی اور ڈالر کی قیمت میں ریکارڈ اضافہ ہوا۔

کاروبار کے اختتام پر تیسرے روز بھی ڈالر کی قدر میں 22 پیسے کا اضافہ ریکارڈ کیا گیا جس کے بعد ڈالر 226.37 پیسے کا ہوگیا ہے۔

اوپن مارکیٹ میں ڈالر کی قیمت 235.50 پیسے ہے جب کہ گزشتہ روز ڈالر 226.35 پیسے پر بند ہوا تھا۔

واضح رہے کہ ملک بھر میں معاشی و مالیاتی بحران برقرار رہنے کی وجہ سے انٹربینک مارکیٹ میں ڈالر کی اونچی اڑان کا سلسلہ جاری ہے۔