ادارہ شماریات نے مہنگائی کے ہفتہ وار اعداد و شمار جاری کر دیے ہیں۔

 ادارہ شماریات کے مطابق مہنگائی کی شرح میں 0.09 فیصد کی معمولی کمی ہوئی جبکہ مہنگائی کی مجموعی شرح 29.30 فیصد ریکارڈ کی گئی۔

ادارہ شماریات کا کہنا ہے کہ 51 اشیائے ضروریہ میں سے 23 کی قیمتوں میں اضافہ ہوا، 7 کی قیمتوں میں کمی اور 21 اشیاء کی قیتیں برقرار رہیں۔

حالیہ ہفتے انڈے فی درجن 8 روپے مہنگے ہوئے، ٹوٹا باسمتی چاول فی کلو 4 روپے مہنگے ہوئے، آٹے کا 20 کلو کا تھیلا 44 روپے مہنگا ہوا، ڈبل روٹی کی قیمت میں 3 روپے کا اضافہ ہوا اور آگ جلانے والی لکڑی 25 روپے مہنگی ہوئی۔

ایل پی جی کے سیلنڈر کی قیمت میں 41 روپے کا اضافہ ہوا، انرجی سیور بلب کی قیمت میں 4 روپے کا اضافہ ہوا، رواں ہفتے دال مسور، چنا، پیاز اور تازہ دودھ کی قیمت میں بھی اضافہ ہوا۔

ادارہ شماریات کے مطابق رواں ہفتے آلو کی قیمت میں 5 روپے کی کمی ہوئی جبکہ ٹماٹر 8 روپے اور ویجیٹبل گھی کے 2.5 کلو کے ڈبے کی قیمت میں 19 روپے کی کمی ہوئی۔