اسلام آباد: اتحادی حکومت نے مہنگائی کے ستائے شہریوں کو اشیاء مہنگی کرکے نئے سال کا تحفہ دے دیا ہے۔

تفصیلات کے مطابق وزیر اعظم پیکج کے تحت یوٹیلیٹی اسٹورز پر چینی، آٹا اور گھی مہنگا ہوگیا ہے جب کہ یوٹیلیٹی اسٹورز پر فی کلو چینی 19 روپے مہنگی ہوئی۔

اسی طرح گھی کی فی کلو قیمت میں 75 روپے کا اضافہ ریکارڈ کیا گیا جب کہ آٹے کا 20 کلو کا تھیلا 496 روپے مہنگا ہوگیا۔

قیمتوں میں اضافے کا اطلاق یکم جنوری 2023 سے ہوگا، بی آئی ایس پی کے مستحقین کے لیے قیمتوں میں اضافے کا اطلاق نہیں ہوگا۔

وزیراعظم پیکچ کے تحت یوٹیلٹی اسٹورز پر ٹارگٹڈ سبسڈی کا فیصلہ کیا گیا تاہم بی آئی ایس پی میں رجسٹرڈ صارفین کے لیے قیمتوں میں ریلیف جاری رہے گا۔