وزارت پیٹرولیم کی دستاویزات نے تہلکہ مچادیا ہے جب کہ ملک بھرمیں گیس چوری کا انکشاف سامنے آیا ہے۔

اٹھائیس سو اکتالیس ایم ایم سی ایف ڈی گیس لائنوں سےغائب ہوگئی ہے جب کہ گیس چوروں نے محکمے کو پریشان کردیا ہے۔

رواں سال کے دوران گیس چوری کی تفصیلات بول نیوز نے حاصل کرلی ہیں، گیس کمپنیوں میں 2841 ایم ایم سی ایف ڈی گیس چوری ہوئی۔

سوئی نادرن سے 1918 ایم ایم سی ایف ڈی گیس چوری ہوئی جو ایک ارب 69 کروڑکی گیس چوری بنتی ہے جب کہ ایک لاکھ 42 ہزارسے زائد واقعات رپورٹ ہوئے۔

سوئی سدرن سے 923 ایم ایم سی ایف ڈی گیس چوری کی گئی، چوری کی گئی گیس کی مالیت 64 کروڑ روپے ہے جب کہ چوری کی 16 ہزار 617 وارداتیں رونما ہوئیں۔

واضح رہے کہ چوری شدہ گیس ملک بھرمیں ایک دن کی سپلائی سے زیادہ ہے۔

ملک میں ایک طرف تو گیس روٹی پکانے کو دستیاب نہیں وہی دوسری جانب گیس کی چوری دھڑلے سے جاری ہے۔