تھرپارکر میں تھل نووا پاور پروجیکٹ سے 330 میگاواٹ بجلی کی پیداوار کا افتتاح ہوگیا۔

تفصیلات کے مطابق وزیر اعلیٰ سندھ مراد علی شاہ کے بجائےایم این اے مہیش ملانی نے تھل نووا پاور پروجیکٹ  کا افتتاح کیا۔

مزید پڑھیں: بجلی کا شارٹ فال 4 ہزار میگاواٹ سے تجاوز کرگیا

مراد علی شاہ موسم کی خرابی کے باعث افتتاح کرنے  تھر نہ پہنچ سکے۔

وزیراعلیٰ سندھ نے اپنے پیغام میں کہا کہ  مقامی کوئلے سے بجلی کی پیدوار سے درآمدی ایندھن پر انحصار کم ہو گا۔ منصوبے نے مقامی افراد کے لیے براہ راست روزگار کے سیکڑوں مواقع پیدا کیے ہیں۔

مزید پڑھیں: وزیرِ اعظم کی پبلک سیکٹر میں 2000 میگاواٹ شمسی بجلی کے منصوبے لگانے کی اصولی منظوری

مراد علی شاہ کا کہنا ہے کہ آج 330 میگاواٹ کے افتتاح سے تھر کول سے بجلی کی پیداوار تقریباً 3000 میگاواٹ ہو گئی۔

انہوں نے مزید کہا تھل نووا پاور پروجیکٹ سی پیک کا حصہ ہے۔ تھر کے ذخائر سے 200 سال تک ایک لاکھ میگاواٹ بجلی پیدا کی جا سکتی ہے۔