خیبر پختونخواہ کے شہر ڈیرہ اسماعیل خان میں تیل و گیس کے نئے ذخائر دریافت ہوئے ہیں۔

وزارتِ پیٹرولیم کا قوم کو مبارک باد پیش کرتے ہوئے کہنا تھا کہ ڈیرہ اسمعاعیل خان میں دریافت ہونے والے ذخائر سے ابتدائی طور پر یومیہ 39.12 ملین مکعب کیوبک فیٹ گیس حاصل ہوگی۔

پیٹرولیم ڈویژن کے مطابق یومیہ 1840 بیرل تیل حاصل ہوگا جب کہ موجودہ کیلنڈر سال کے دوران تیل اور گیس کی یہ پندرہویں دریافت ہے۔

پیٹرولیم ڈویژن کا مزید کہنا تھا کہ دریافت سے تیل اور گیس کی درآمدات پر انحصار میں کمی واقع ہو گی۔

واضح رہے کہ اس سے قبل سندھ کے علاقے سانگھڑ سے تیل و گیس کے نئے ذخائر ہوئے تھے۔

آئل اینڈ گیس ڈویلپمنٹ کمپنی لمیٹڈ (او جی ڈی سی ایل) کے مطابق 26  جون کو کنوے کی کھدائی کے لیے ڈرلنگ آپریشن شروع کیا گیا تھا جس کے لیے 3 ہزار 400 میٹر کھدائی کی گئی تھی۔

او جی ڈی سی ایل کے مطابق کنویں سے یومیہ 2 ہزار بیرل تیل اور 1.30 ملین کیوبک فٹ گیس نکالی جائے گی جب کہ  تیل و گیس کی دریافت سے ملکی معیشت پر مثبت اثرات مرتب ہوں گے۔

خیال رہے کہ آئل اینڈ گیس ڈویلپمنٹ کمپنی لمیٹڈ ایک پبلک لمیٹڈ کمپنی ہے جو ملک میں 5 دہائیوں سے تیل و گیس کی دریافت و پیداوار کررہی ہے۔