آج بروز ہفتہ صرافہ مارکیٹوں میں سونے کی قیمت میں معمولی کمی ریکارڈ کی گئی ہے۔

رواں ہفتے ملک کی صرافہ مارکیٹوں میں سونے کی قیمت میں کبھی اتار تو کبھی چڑھاؤ دیکھا گیا جب کہ آج بروز ہفتہ سونے کی قیمت میں کمی ریکارڈ کی گئی۔

سونے کی قیمت

سونے کی فی تولہ قیمت میں 200 روپے کی کمی ریکارڈ کی گئی ہے جس کے بعد فی تولہ سونا 1 لاکھ 83 ہزار 900 روپے کا ہوگیا ہے۔

اسی طرح دس گرام سونے کی قیمت میں 171 روپے کی کمی دیکھی گئی جس کے بعد دس گرام سونا 1 لاکھ 57 ہزار 665 روپے کا ہوگیا ہے۔

عالمی مارکیٹ

پاکستان کے برعکس عالمی مارکیٹوں میں سونے کی قیمت میں اضافہ ریکارڈ کیا گیا جب کہ سونے کی قیمت 6 ڈالرز اضافے سے 1824 ڈالر فی اونس ہوگئی ہے۔

واضح رہے کہ گزشتہ روز ملک بھر میں سونے کی قیمت تاریخ کی نئی بلند ترین سطح پر پہنچ گئی تھی۔

گزشتہ روز فی تولہ سونا 1500 روپے اضافے سے 1 لاکھ 84 ہزار 100 روپے کا ہوگیا تھا جب کہ دس گرام سونا 1286 روپے اضافے سے 1 لاکھ 57 ہزار 836 روپے تک پہنچ گیا تھا۔