مہنگائی سے ستائے کے الیکٹرک صارفین کے لیے بڑی خبر سامنے آگئی، 10 ارب روپے سے زائد کا ریلیف مل گیا۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے کے الیکٹرک کی نومبر کی ماہانہ فیول ایڈجسٹمنٹ پر سماعت کی۔

مزید پڑھیں: بجلی کے بلزمیں میونسپل ٹیکس کا معاملہ، کےایم سی کو جواب جمع کرانے کا حکم

نیپرا نے سماعت کے بعد کے الیکٹرک صارفین کے لیے بجلی کی قیمت میں کمی کی منظوری دے دی۔ کے الیکٹرک صارفین کے لیے بجلی 7 روپے 43 پیسے فی یونٹ سستی کردی گئی۔

بجلی کی قیمت میں کمی سے کراچی کے صارفین کو 10 ارب 61 کروڑ  روپے سے زائد کا ریلیف ملے گا۔

مزید پڑھیں: نیپرا نے بجلی کی قیمتوں میں اضافے کی منظوری دے دی

اس موقع چیئرمین نیپرا نے کہا کہ اگر وفاق کے الیکٹرک کو بجلی نہ دے تو وہ تو پس جائیں گے۔

نیپرا کے فیصلے میں کہا گیا ہے کہ کمی کا اطلاق لائف لائن صارفین پر نہیں ہوگا۔ نیپرا تفصیلی فیصلہ بعد میں جاری کرے گا۔