اسٹیٹ بینک نے انتہائی اہم اعلان کرکے پاکستانیوں کو بڑی خوشخبری سنادی۔

گورنر اسٹیٹ بینک جمیل احمد کا کہنا ہے کہ ڈالرز دیکھ کر امپورٹ کا فیصلہ کرتے ہیں، جلد ایل سیز کھول دیں گے۔ 33 ہزار ایل سیز کے کیسز بھی کلیئر کردیئے ہیں۔

فیڈریشن آف پاکستان چیمبر آف کامرس اینڈ انڈسٹریز (ایف پی سی سی آئی) میں خطاب کرتے ہوئے گورنر اسیٹیٹ بینک نے کہاکہ ہمیں کاروبار کو سہولت دینی ہے، کرنٹ اکاؤنٹ خسارے کے سبب ہمیں کچھ اقدامات کرنے پڑے۔

انہوں نے کہا کہ ہماری امپورٹس کم ہوئی ہیں، 33 ہزار ایل سیز کے کیسز کلیئر کیے ہیں، ایل سی کو جانچنے میں کافی وقت لگتا ہے، ایل سیز جلد کھول دیں گے۔

گورنر اسٹیٹ بینک نے کہاکہ  خوراک، ادویات اور تیل کو ترجیح میں رکھیں، ہم نے ایکسپورٹ کے لیے امپورٹ مال کو ترجیح دی ہے، زرعی شعبے کے لیے امپورٹ میں سہولت پیدا کر رہے ہیں۔

یہ بھی پڑھیں: پرانے کرنسی نوٹ کب تک تبدیل کروائے جا سکتے ہیں، اسٹیٹ بینک کا بڑا اعلان

ان کا کہنا تھاکہ مزید ڈالرز آتے ہی مزید امپورٹس کو سہولت دینے کا منصوبہ ہے، ڈالرز کو دیکھتے ہوئے ہی امپورٹ کا فیصلہ کرنا ہوتا ہے۔

گورنر اسٹیٹ بینک نے کہاکہ اگر امپورٹرز ڈالر کا بندوبست کرتے ہیں تو ہمیں اعتراض نہیں ہوگا، ایکسپورٹرز کو اپنے ڈالرز سے امپورٹ کا بندوبست کرنے کی اجازت ہے۔

گورنر اسٹیٹ بینک  نے کہاکہ اگلے ہفتےسے ملک میں ڈالرز آنا شروع ہو جائیں گے، اب زرمبادلہ ذخائر بڑھنا شروع ہوں گے، کچھ مال بلا اجازت امپورٹ کے سبب بھی پورٹ پر پھنسا ہوا ہے، شرح سود کے بارے میں فی الحال کچھ نہیں کہہ سکتا۔

جمیل احمد نے یہ بھی کہا کہ بینکس سے کہا ہے کہ فوڈ آئٹمز، فارماسیوٹیکل، میڈیکل امپورٹس کو فرسٹ کیٹیگری میں رکھیں، ہمیں کرنٹ اکاؤنٹ خسارے کے باعث اقدامات کرنے پڑے ہیں، امپورٹرز کو سہولتیں دی جائیں گی۔

یہ بھی پڑھیں:اسٹیٹ بینک نے غیر فعال بینک اکاؤنٹس کو فعال کرنے کے طریقہ کار کو آسان بنادیا ہے

انہوں نے اپنے خطاب کے دوران مزید بتایا کہ اسٹیٹ بینک نے تمام بینکوں کو خوراک، ادویات اور تیل کو ترجیحی فہرست میں رکھنے کی ہدایت کردی ہے۔

گورنر اسیٹیٹ بینک نے کہاکہ امپورٹرز اپنے بزنس کے لئے ڈالرز کا خود بندوبست کریں تو مرکزی بینک کو کوئی اعتراض نہیں۔