ملک میں گندم اور آٹے کے بحران کا خدشہ پیدا ہوگیا ہے۔

 تفصیلات کے مطابق موجودہ حکومت کی ناقص پالیسیوں کے باعث  شوگر ملز کے بعد فلور ملز کی جانب سے بھی گندم برآمد کرنے کا مطالبہ سامنے آگیا۔

صوبائی محکموں کی جانب سے فلور ملز کو کوٹہ کے مطابق گندم مہیا نہ  کیے جانے کا انکشاف ہوا ہے۔

فلورز ملز کی جانب سے ملک میں گندم اور آٹے کی قلت کا خدشہ ظاہر  کرتے ہوئے  تین لاکھ ٹن گندم برآمد کرنے کا مطالبہ کیا گیا ہے۔

مزید پڑھیں: گھی، آٹا، تیل سب عوام کی پہنچ سے دور ہونے لگا

فلور ملز ایسوسی ایشن کا  کہنا ہے کہ نجی شعبہ 3500 روپے فی من قیمت پر انتہائی کم مدت میں گندم درآمد کر سکتا ہے۔

فلور ملز ایسوسی ایشن کا کہنا ہے کہ تمام صوبائی محکمہ خوراک کو کوٹہ کے مطابق گندم جاری کرنے کا پابند کیا جائے۔ گندم کی سب سے زیادہ قلت بلوچستان میں ہے۔

فلور ملز ایسوسی ایشن کا مطالبہ ہے کہ صوبوں کی جانب سے گندم کی نقل وحمل پر عائد اعلانیہ و غیر اعلانیہ پابندی ختم کی جائے۔

دوسری جانب ذرائع وزارت قومی تحفظ خوراک کا کہنا ہے کہ  ملک میں اپریل تک گندم ضرورت کے مطابق موجود ہے۔

مزید پڑھیں: مرغی کا گوشت بھی عوام کی پہنچ سے دور ہوگیا

ذرائع وزارت قومی تحفظ خوراک کا کہنا ہے کہ  ملک میں 96 لاکھ 15 ہزار 688 ٹن گندم موجود ہے۔ ملک میں 16 لاکھ ٹن گندم کی قلت ہے۔ حکومت نے 9 لاکھ 26 ہزار 171 ٹن گندم برآمد کی۔

ذرائع وزارت قومی تحفظ خوراک کا مزید کہنا ہے کہ پنجاب کے پاس 50 لاکھ 48 ہزار اور پاسکو کے پاس 36 لاکھ 69 ہزار 454 ٹن گندم موجود ہے۔ حکومت کو عالمی مارکیٹ سے گندم 4300 روپے فی من میں پڑی ہے۔