عالمی بینک کا کہنا ہے کہ پاکستانی معیشت پیداواری صلاحیت میں اصلاحات کے بغیر ترقی نہیں کرسکتی۔

تفصیلات کے مطابق  عالمی بینک نے پاکستانی معیشت  سے متعلق اپنی رپورٹ جاری کردی۔

عالمی بینک کی رپورٹ میں  کہا گیا ہے کہ   وسائل کے اعتبار سے پیداوار نہ ہونا ملکی ترقی میں رکاوٹ ہے ۔

یہ بھی پڑھیں: آئی ایم ایف سے معاملات طے پاگئے، 170 ارب کے نئے ٹیکس لگانے کا فیصلہ

رپورٹ میں کہا گیا کہ  تمام شعبوں پر ٹیکسوں کو ہم آہنگ کرنے سے معیشت میں بہتری آسکتی ہے۔ رئیل اسٹیٹ کے شعبے کے بجائے مینوفیکچرنگ اور تجارتی شعبے کو بہتر کیا جائے۔

عالمی بینک کی رپورٹ میں مزید کہا گیا کہ  تجارتی پالیسی کے ذریعے برآمدی شعبوں میں برآمد مخالف رویوں کو ختم کیا جائے، ۔

رپورٹ میں کہا گیا کہ  پاکستان میں 22 فیصد خواتین ملازمت کرتی ہیں اس شرح کو بڑھانا چاہیے۔ خواتین کی لیبر فورس میں شمولیت سے ترقی میں اہم پیش رفت ہوسکتی ہے۔

یہ بھی پڑھیں: پاکستان کو مستقل بنیادوں پر محصولات بڑھانے کی ضرورت ہے، آئی ایم ایف

 عالمی بینک نے اپنی رپورٹ میں مزید کہا کہ  اسٹرکچرل عدم توازن نے پائیدار ترقی کو روک رکھا ہے۔

رپورٹ میں کہا گیا کہ  پاکستانی معیشت نازک دور سے گزر رہی ہے ان مسائل کو حل کرنا ضروری ہے۔ جنرل سیلز ٹیکس کو ہم آہنگ کرنا اور بیرونی سرمایہ کاری کے مواقع پیدا کرنا ضروری ہے۔ا