چیئرمین ایف بی آر عاصم احمد کا کہنا ہے کہ ایف بی آر ملک میں ٹیکس کلچر کو فروغ دینے کے لیے کوشاں ہے۔

فیڈرل بورڈ آف ریونیو(ایف بی آر) کے اعلامیے کے مطابق چیئرمین ایف بی آر عاصم احمد نے ایف بی آر ہیڈکوارٹرز میں ایک اور کھلی کچہری کا انعقاد کیا۔

کھلی کچہری کے دوران چیئرمین ایف بی آر نے ٹیکس دہندگان کے مسائل سنے اور ان کے ازالے کے لیے فوری ہدایات جاری کیں۔

یہ بھی پڑھیں: ایف بی آر رواں مالی سال کے پہلے 7 ماہ کا ٹیکس ہدف حاصل کرنے میں ناکام

چیئرمین ایف بی آر نے کہا کہ  ایف بی آر ملک میں ٹیکس کلچر کو فروغ دینے کے لیے کوشاں ہے۔ ٹیکس کے بارے میں مسائل کے حل کے لیے ٹیکس دہندگان اپنے قریبی ریجنل ٹیکس آفس اور کلکٹریٹ آف کسٹمز کا دورہ کریں۔

عاصم احمد نے کہا کہ ایف بی آر ٹیکس سروسز کی بروقت فراہمی کو یقینی بنا کر ٹیکس دہندگان کو سہولیات فراہم کرنے کے لیے ہر ممکن اقدامات اٹھا رہا ہے۔

ان کا مزید کہنا تھا کہ  کھلی کچہری سے فیلڈ فارمیشنز کی کارکردگی پر بھی نظر رکھی  جائے گی ۔

یہ بھی پڑھیں: چیئرمین ایف بی آر کی شو گرملز کی موثر نگرانی جاری رکھنے کی ہدایت

چیئرمین ایف بی آر نے تمام فیلڈ فارمیشنز کو بہتر سروس ڈیلیوری کے ذریعے ٹیکس دہندگان کے تحفظات کو بروقت دور کرنے کی ہدایات جاری کیں۔

کھلی کچہری کے ذریعے ٹیکس دہندگان اپنے تحفظات براہ راست چیئرمین ایف بی آر تک پہنچا سکتے ہیں۔