نیشنل الیکٹرک پاور سپلائی ریگولیٹری اتھارٹی(نیپرا) نے بجلی کی قیمت میں اضافے کی منظوری دے دی۔

تفصیلات کے مطابق نیپرا میں سی پی پی اے کی جنوری کے لیے بجلی مہنگی کرنے کی درخواست پر سماعت مکمل ہوگئی۔

یہ بھی پڑھیں: بجلی صارفین کیلئے بری خبر سامنے آگئی

نیپرا نے بجلی کی قیمتوں میں 48 پیسے فی یونٹ اضافے کی منظوری  دے دی۔

بجلی جنوری کی ماہانہ فیول پرائس ایڈجسٹمنٹ کی مد میں مہنگی کی گئی۔ بجلی مہنگی کرنے سے بجلی کے صارفین پر 9.2 ارب روپے کا اضافی بوجھ  پڑے گا۔

یہ بھی پڑھیں: آئی ایم ایف کی ایک اور شرط پوری، بجلی کی قیمت میں بڑے اضافے کا امکان

نیپرا ڈیٹا کا جائزہ لینے کے بعد تفصیلی فیصلہ جاری  کرے گا۔

واضح رہے کہ سرکاری تقسیم کار کمپنیوں کے صارفین  کے لیے سی پی پی اے نے بجلی ایک روپے 17 پیسے فی یونٹ مہنگی کرنے کی درخواست کی تھی۔